Бетюнская сельская библиотека

Бүгүн, алтынньы 25 күнүгэр, Аан дойдутааҕы «Белая трость» месячникка анаммыт ,»Читаем все» республиканскай сетевой проект чэрчитинэн ыытыллар «Мир един» медиаурок Бөтүҥ орто оскуолатын 5 уонна 7 кылааһын үөрэнээччилэригэр анаан ыытылынна.

Уруок кэмигэр үөрэнээччилэр көрбөт дьонно аналлаах саҥарар кинигэлэр, тифлокомментарийдааһын, Брайль ньыматынан ааҕыы уонна суруйуу туһунан билистилэр, бэйэлэрэ Брайль алфавитын туһанан аан дойдуга биллибит харахтарынан көрбөт дьон ааттарын таайдылар.

Бу уруок түмүгүнэн оҕолор доруобуйаларынан хааччахтаах дьонно болҕомтолоох сыһыан, кинилэргэ өрүү көмө, өйөбүл буолуу баар буолуохтааҕын өйдөөн, санааларын атастаһан тарҕастылар.