Бетюнская сельская библиотека

Россияҕа Норуоттар сомоҕолоһуулара, Саха Республикатыгар Культура сылыгар, Саха тылын ,суругун -бичигин күнүгэр аналлаах нэһилиэкпитигэр араас хабааннаах тэрээһиннэр ыытылыннылар.Ол курдук олунньу 12 күнүгэр   түөлбэлэр икки ардыларыгар  «»ТОК — толкуйдаа,оонньоо,кыай» өй оонньуута Семен Петрович Оконешников аатынан » Айылгы»  культура киинигэр ыытылынна . Барыта 8 түһүмэхтээх ( «Кини кимий?», өс хоһооннорун салҕаан,суруйааччылар псевдонимнарын таайыҥ уо.д.а) оонньууга 4 түү киһилээх 3 түөлбэттэн хамаандалар кытыннылар.Оонньууну сыаналаата Бөтүҥ орто оскуолатын саха тылын уонна литературатын учуутала Татьяна Протопопова. Уопсай түмүккэ кыайыылааҕынан «Сэргэлээх «түөлбэ хамаандата таҕыста уонна Дипломунан,минньигэс бирииһинэн наҕараадаланна.Бары кыттааччыларга Туоһу сурук туттарылынна.
Ону тэҥэ  түөлбэлэринэн хабылыкка,хаамыскаҕа  күрэхтэһии буолла.Манна 3 миэстэ — «Сэргэлээх»,2 миэстэ- «Чараҥ», кыайыылааҕынан «Кэскил» түөлбэ буоллулар.Биирдиилээн кыттааччыларга 1 миэстэ Валентина Колесова,2 миэстэ Ольга Сивцева,3 миэстэ Александра Соловьева буоллулар.

Олунньу 13 күнүгэр Бөтүҥ орто оскуолатын 3-4,5-6 кылаастарын үөрэнээччилэригэр «Таптыыр сахам тылынан» республиканскай дьыктаан ыытылынна. Барыта 29 үөрэнээччи кытынна.Дьыктааны суруйтардылар кылаас салайааччылара Сивцева Мария Валерьевна,Заровняева Уруйдана Алексеевна, саха тылын уонна литературатын учуутала Протопопова Татьяна Родионовна. Оҕолорго кыттыбыттарын туоһулуур Туоһу сурук туттарылынна. Бу күн нэһилиэкпит олохтоохторо «Сахадьыктаан» республиканскай акцияҕа кыттан Суорун Омоллоон «Чүөчээски» кэпсээниттэн «Толугур алаас» быһа тардыыны суруйдулар. Тиэкиһи аахта олохтоох модельнай библиотека сэбиэдиссэйэ Валентина Колесова. Барыта 11 киһи кыттыыны ылбыттарыттан 7 киһи «Бастыҥ суруксут» анал ааты ыллылар.