Бетюнская сельская библиотека

Быйыл биир дойдулаахпыт,биллиилээх государственнай политическай деятель Илья Егорович Винокуров төрөөбүтэ 130 сылын бэлиэтиибит.Бу даатаҕа анаан Түбэолохтоох модельнай библиотеката(сэбиэдиссэй Полина Шестакова) ,Бөтүҥ олохтоох модельнай библиотеката (сэбиэдиссэй Валентина Колесова) «Ылдьаа,эн үрдүк ааккар сүгүрүйэн» диэн ааттаах оскуола алын уонна орто сүһүөх үөрэнээччилэригэр анаан республиканскай уруһуй күрэҕин ыыттылар. Күрэххэ уопсайа 38 оҕо Булуҥтан,Өлөөнтөн, Нам улууһун Хатырык,1кы Хомустаах,Түбэ нэһилиэктэриттэн кытыннылар. Уопсай түмүккэ алын сүһүөх кылаастарга:

1м   Татаринова Айыллаана (1-Хомустах,Нам улууһа)

2м Дьяконова Алла ( Түбэ,Нам)

3м Местникова Анюта (Хатырык,Нам)

Орто сүһүөххэ:

1м  Попова Сахаяна (1-Хомустах,Нам)

2м Обутова Эльза (Хатырык,Нам)

3м Игнатьева Дуся (Өлөөн улууһа)

Кылаан чыпчаал 

Соловьева Айыына (Түбэ,Нам) кыайыылаахтарынан буоллулар.

Үөрэнээччилэр үлэлэрин сыаналаатылар: Атласова Яна Кимовна,З .П.Винокуров аатынан оҕо искусствотын оскуолатын художественнай отделениетын сэбиэдиссэйэ, Васильева Наталья Семеновна -Е.С.Сивцев -Таллан Бүрэ аатынан орто оскуола технология учуутала, Попов Егор Романович-Түбэ нэһилиэгин художник -дизайнера.

Бары  кыттыбыт оҕолорго,салайааччыларга,дьүүллүүр сүбэбит чилиэттэригэр махталбытын тиэрдэбит! Бу күрэх түмүгүнэн бары үлэлэри киллэрэн туран альбом- брошюра бэчээттэнэн тахсыаҕа.