Бетюнская сельская библиотека

Бүгүн олунньу 18 күнүгэр, Бөтүҥ нэһилиэгэр улуустааҕы «Книжный путь Великой Победы» марафон чэрчитинэн Хатырык нэһилиэгин олохтоох модельнай библиотекатын үлэһиттэрэ Ульяна Николаевна Антонова, Любовь Ивановна Васильева «Сэрии биһиги нэһилиэкпит историятыгар» диэн олус интириэһинэй тэрээһини кэлэн ыыттылар.

Тэрээһин саҕаланыыта Ульяна Николаевна Хатырык нэһилиэгин сэрии уонна тыыл ветераннарын тустарынан тахсыбыт кинигэлэри билиһиннэрдэ.

Онтон салгыы М.К.Аммосов аатынан орто оскуола 7 кылааһын үөрэнээччитэ Дайаана Собакина бэйэтин хос эһэтин туһунан презентационнай матырыйааллары туһанан олус истиҥник кэпсээ
тэ.Дайаана эһэлэрин ,эбэлэрин туһунан карточкаларынан викторина онорбутун, сэҥээрэ иһиттибит.

Тэрээһин кыттыылаахтарыгар анаан Любовь Ивановна «Своя игра» «80 вопросов о войне» ыытта. Оонньууга 2 хамаанда: «Суолдьут» оскуола орто сүһүөх кылааһын үөрэнээччилэрэ учууталлара Румянцев Михаил Васильевиһы кытта уонна «Кыайыы» улахан дьон оонньоотулар. Уопсай түмүккэ «Кыайыы»хамаанда кыайыылааҕынан тахсан Дипломунан наҕараадаланнылар.Бу оонньууга оскуолабыт оҕолоро аҕыйах эрэ очконан хаалан 2 миэстэ буоллулар.Оҕолор маладьыастар историяны сэҥээрэллэрин ,билэллэрин көрдөрдүлэр.

Улуу Кыайыы күнүгэр анаан ыытыллыбыт тэрээһин кыттыылаахтара үгүһү билэн, сэргэхсийэн тарҕастылар.

Хатырык модельнай библиотекатын үлэһиттэригэр Ульяна Николаевнаҕа,Любовь Васильеваҕа, Дайаана Собакинаҕа махтанабыт!