- 19.02.2025
- 99
- нет
Улусный проект «Книжный путь Великой Победы»
Бүгүн,олунньу 18 күнүгэр,»Книжный путь Великой Победы»улуустааҕы бырайыак чэрчитинэн, Бөтүҥ нэһилиэгин бэтэрээннэрин сэбиэтин председателэ Михайлова Людмила Васильевна, Бөтүҥ олохтоох модельнай библиотекатын сэбиэдиссэйэ Валентина Колесова Хатыҥ-Арыы орто оскуолатын 8 кылааһын үөрэнээччилэригэр «Улуу Кыайыы уостубат өрөгөйө» Эр санааланыы уруогун ыыттыбыт.
Уруок саҕаланыыта Бөтүҥмүт нэһилиэгин сэриигэ,тыылга Кыайыыны уһансыбыт дьоммут -сэргэбит тустарынан тахсыбыт кинигэлэри билиһиннэрдибит. Бэтэрээн учуутал Людмила Васильевна, Бөтүҥ нэһилиэгэ Аҕа дойду сэриитигэр кыттыытын туһунан, сиһилии кэпсээбитин оҕолор болҕойон олорон иһиттилэр. Нэһилиэкпит библиотекатыгар өр сылларга библиотекарынан үлэлээбит, Ленинград блокадатын кыттыылааҕа Ядрихинская Татьяна Кондратьевна олоҕун,үлэтин библиотекарь Валентина Колесова кэпсээтэ
Салгыы үөрэнээччилэр «Нам улууһа Аҕа дойду Улуу сэриитигэр» биктэриинэҕэ кытыннылар, бэйэлэрэ «Кыайыыны уруйдуур строкалар» түөрт строкалаах хоһоон
айан холоннулар. Анал чымыдааҥҥа уган илдьибит, Аҕа дойду сэриитигэр кыайыыны уһансыбыт дьоммут тустарынан кинигэлэри сэргээн көрдүлэр.
И.Д.Винокуров -Чаҕылҕан аатынан олохтоох библиотека сэбиэдиссэйигэр Варвара Носковаҕа,история учуутала Айта Ивановна Лукинаҕа
махтанабыт уруок ыытарбытыгар көмөлөспүттэригэр !
Если вам понравилась статья, не забудьте нажать на сердечко
6
Посмотрите так же
Предыдущая статья:
Следующая статья:
Удовлетворенность граждан работой государственных и муниципальных организаций культуры, искусства и народного творчества